Mikið um að vera í vikunni!

Tue, 17 Nov 2009 15:42:48 +0000

Halló halló

Smá fréttir af því sem er að gerast í vikunni hjá okkur:

Fyrst viljum við Minnum á fótboltaleik sem að Styrmir spilar í kvöld í Carlsberg-deildinni gegn Oldboys-Álftanes,

Leikurinn hefst kl. 21 á Leiknisvellinum í Austurbergi.

Endilega mætum og styðjum okkar menn!

Á föstudaginn er svo Hot Yoga og minnum við fólk á að skrá sig hjá Bjarna Snæbjörns ef það vill koma með - bjarnisnae@gmail.com

Svo er það auðvitað blak í kvöld í Austurbæjarskóla, sundæfingar á mánudögum, miðvikudögum og fimmtudögum í Laugardalslauginni, bridge á fimmtudagskvöldum í Samtökunum og fótboltinn er í Kórnum á miðvikudögum á Kórnum og sunnudögum í Fífunni.

Allar nánari upplýsingar getið þið fengið hjá eftirtöldum

Blak:
Hannes - hannespall@me.is
Sund:
styrmir.sunddeild@gmail.com
Fótbolti:
Alfreð - alfred@hauksson.eu
Bridge:
Íris -irisel@hi.is
Þriðjudagssprikl:
Bjarni Snæ - bjarnisnae@gamil.com
Villi - villivill2@hotmail.com

Samantekt frá haustfundi Styrmis

Thu, 17 Sep 2009 13:22:50 +0000

Hér fylgja helstu efnisatriði og samþykktir fundar Styrmis fyrir viku síðan á bar Barböru.

Hófst fundurinn með stuttri kynningu og formlegri nafnbreytingu félagsins, úr Strákafélaginu í Íþróttafélagið Styrmi, til að undirstrika hvernig félagið hefur breyst úr einnar íþróttar kunningjahóp yfir í íþróttafélag í fullri starfsemi, sem býður iðkendum sínum upp á fjölbreytt íþrótta- og félagsstarf.

Fyrsta mál á dagskrá var síðan kynning þjálfara fótboltadeildarinnar á áherslum vetrarins; skipulagðari þjálfun, tækniæfingum og að menn setji sér markmið til lengri tíma. Mæltist það fyrirkomulag almennt vel fyrir og menn spenntir fyrir framvindu vetrarins.

Í annan stað kynntu forystuselir sundliðsins sína vetrardagskrá, sem einnig einkennist af markvissri þjálfun sem og uppbyggilegum getuskiptum æfingum og skriðsundsnámskeiðum, ekki hvað síst til að undirbúa mannskapinn fyrir Gay Games í Köln á næsta ári.

Eftir þá umræðu var fjallað um „Þriðjudagsspriklið“, ss nýja æfingu fyrir alla saman, haldna á þriðjudögum og með nokkurnveginn hvað sem er á dagskrá. Hugsunin er sú að hrista hópinn í heild sinni betur saman með óhefðbundnum, fjölbreyttum og umfram allt skemmtilegum æfingum.

Í kjölfarið fylgdi kynning á nýstofnuðum spilaklúbbi Styrmis sem hefur hug á að hittast um það bil einu sinni í viku og spila t.d. Bridge, Lomber, félagsvist o.sv.frv. Í beinu framhaldi af kynningu þessa nýja félags spratt upp umræða um aðrar greinar sem Styrmir ætti að taka upp á arma sína og myndaðist töluverður áhugi á staðnum fyrir t.d. badminton og tennis.

Að síðustu var síðan tekin umræðan um næstu keppnisferð Styrmis, en stefnan verður sett á risaleikana Gay Games í Köln, Þýskalandi sumarið 2010. Stjórnin kynnti helstu atriði varðandi mótið og borgina, með sérstakri áherslu á væntanlega fjáröflun og að reyna að koma hópnum fyrir í sameiginlegri gistingu á einum stað.

Bingó föstudaginn 18. sept á Barböru

Mon, 14 Sep 2009 15:42:16 +0000

Föstudaginn 18. september stendur Styrmir fyrir bingókvöldi á Barböru. Taktu daginn frá - þetta verður bara gaman. Meiri upplýsingar síðar.

Fyrsta Þriðjudags-spriklið: Esjuganga!

Mon, 14 Sep 2009 12:16:13 +0000

Hæ hó

Nú er komið að fyrsta þriðjudagsspriklinu!

Á morgun er það Esjan sem verður tekin með stæl! Bjarni Snæbjörns ætlar að leiða hópinn og er hittingur kl. 18:00 á bílaplaninu við Esjuna og verður lagt af stað eigi síðar en kl. 18:10

Veðurspáin er fín fyrir morgundaginn en Bjarni mælir með því að fólk hafi hlý föt með sér í bakpokanum því það kólnar þegar ofar kemur í fjallið.

Ef eitthvað kemur uppá þá er Bjarni með síma 661-2156

Sjáumst í hressandi Þriðjudags-sprikli.